ДЗЕНЬ АБАРОНЫ ДЗЯЦЕЙ - ДЗЕНЬ НАШАЙ ЛЮБОВІ

Моладзевая жаночая грамадзянская ініцыятыва “ВАРТА” спяшаецца нагадаць аб надыходзячым свяце дзяцей! Давайце падорым ім нагоду для ўсмешак, а значыць зробім свет святлей, а дзяцей шчаслівей. Давайце знойдзем час, каб падумаць пра іх, бо чужых дзяцей не бывае, а кінутыя дзеці часта жывуць з бацькамі.

Не сакрэт, што  прыдумалі свята менавіта жанчыны ))). Пра гэта і пагаворым. 

Дзень абароны дзяцей, які прыходзіцца на першы дзень лета -  адзін з самых старых міжнародных свят, яго адзначаюць ва ўсім свеце з 1950 г.  Рашэнне пра яго правядзенне было прынята Міжнароднай дэмакратычнай федэрацыяй жанчын на адмысловай сесіі ў лістападзе 1949 г.  ААН падтрымала гэту ініцыятыву і абвясціла абарону жыцця і здароўя дзяцей адным з прыярытэтных кірункаў сваёй дзейнасці.

Акрамя гэтага дня дзецям прысвечаны «Сусветны дзень дзіцяці» (20 лістапада), «Дзень абароны дзяцей Афрыкі» (16 чэрвеня) і «Дзень "Белых Архідэй"». Таксама супернікі абортаў абралі гэты дзень для правядзення сваіх акцый . Так 4 чэрвеня 2011 г. у гонар свята  ў Магілёве, Віцебску і Брэсце адбыўся першы ў Беларусі аўтапрабег у абарону жыцця ненароджаных, прымеркаваны да Міжнароднага дня абароны дзяцей

Першым і асноўным міжнародна-прававым дакументам, у якім правы дзіцяці разглядаліся на ўзроўні міжнароднага права, стала Канвенцыя пра правы дзіцяці, прынятая ААН 20 лістапада 1989 г.

Нагадаем, па стане на студзень 2011 г. ў краіне налічвалася 25 тыс. 350 дзяцей-сірот і дзяцей, пакінутых без апекі бацькоў. Нягледзячы на зніжэнне колькасці сацыяльных сірот, якое адзначаецца з 2007 г., у Беларусі не атрымоўваецца паменшыць лік дзяцей-сірот і дзяцей, пакінутых без апекі бацькоў. Штогод дзяржаўныя органы выяўляюць і ўладкоўваюць на выхаванне каля 4 тыс. дзяцей, якія страцілі апеку бацькоў.

Ні за якія скарбы ў свеце мы не пагадзіліся б растацца з табой. Ты ж і сам гэта ведаеш.

- І нават за сто тысяч мільёнаў крон? - спытала Маляня.

- І нават за сто тысяч мільёнаў крон!

- Значыць, я так дорага стаю? – ашаламілася Маляня.

- Вядома, - сказала мама і абняла яго яшчэ раз.

Маляня стала разважаць: сто тысяч мільёнаў крон, - якая велізарная куча грошай! Няўжо ён можа каштаваць так дорага?"

Дарагія, беларусы! 1 чэрвеня - добры час для свята вашым дзеткам, наведвання дзіцячых дамоў і школ-інтэрнатаў, для ўнескаў на дабрачыныя рахункі.  Знайдзіце хвілінку, каб не застацца за межамі дзіцячых сардэц.