ДЗЕНЬ АБАРОНЫ ДЗЯЦЕЙ - ДЗЕНЬ НАШАЙ ЛЮБОВІ

Моладзевая жаночая грамадзянская ініцыятыва “ВАРТА” спяшаецца нагадаць аб надыходзячым свяце дзяцей! Давайце падорым ім нагоду для ўсмешак, а значыць зробім свет святлей, а дзяцей шчаслівей. Давайце знойдзем час, каб падумаць пра іх, бо чужых дзяцей не бывае, а кінутыя дзеці часта жывуць з бацькамі.

Не сакрэт, што  прыдумалі свята менавіта жанчыны ))). Пра гэта і пагаворым. 

Свабода мастацтву - свабода чалавеку!

    Як вядома 19 траўня ў Вільнюсе прайшоў канцэрт «Салідарнасць з Беларуссю» з удзелам “забароненых” беларускіх выканаўцаў. З гэтай нагоды МЖГІ “ВАРТА ” зладзіла адпаведную акцыю ў Менску. Але пра ўсё па чарзе.

Існаванне ў Беларусі "чорнага спіса музыкаў" ужо не для каго не з'яўляецца сакрэтам. Яшчэ летась музычныя аматары так і не патрапілі на даўгачаканыя канцэрты любімых выканаўцаў. За год сітуацыя ніякім чынам не палепшылася, калі не сказаць - пагоршылася, бо "лёсавызначальны спіс" папаўняецца ўсё новымі і новымі імёнамі, а ў кавярнях зноў загучалі вечныя "Песняры" замест "Крамбамбулі" ды Вольскага. Нагадаю, што сёння, паміж іншымі, у "чорным спісе" значацца З. Вайцюшкевіч, гурты "Ляпіс Трубяцкі", "Палац", "Крама", "Нака" і "Neuro Dubel". Не выпадкова там зазначылі рускі гурт "ДДТ" і асобную песню В. Цоя "Мы чакаем пераменаў" - гімн 80-х.

Дзіцячыя радасці

Травень – месяц цудаў: канчаткова абуджаецца прырода. Вось і ў “Варце" абудзіліся дабрачынныя памкненні. Да яшчэ як! Дзеткі з школы-інтерната  пабачылі імпрэзы  і танцы , паслухалі песні, пагулялі разам, памалявалі. Усё гэта ў дадатак з добрым настроем  і вясновым надвор’ем спалучылася ў цудоўны дзень, а значыць ён прайшоў не дарма.

Жанчыны руляць!

Сучасная жанчына можа ўсё: яна і строгая кіраўніца, і кахаючая жонка, і клапатлівая маці. Менавіта таму яна абавязана быць здаровай і захоўваць сваё здароўе  на доўгія гады. Так, пра жаночае здароўе кажуць паўсюль: па тэлевізары, у газетах і часопісах, у сеткі Інтэрнэт. Аднак, нажаль, і сёння шматлікія жанчыны ня рэдка  вераць чуткам і  шматлікім забабонам. "ВАРТА" паспрабавала разабрацца, дзе мы маем справу з праўдай,а дзе з міфамі.