"ВАРТА"

25 сакавіка 1918 г. была абвешчана неза-

лежнасць Беларускай Народнай Рэспублікі. 

Дзякуючы гэтай гістарычнай падзеі, сёння 

беларусы – шчыры і свабодалюбівы народ 

– маюць гонар святкаваць Дзень Волі!

Вішуем Вас з найгалоўнейшым святам 

нашай краіны, і няхай у гэты дзень і надалей 

пачуццё свабоды не пакідае Вас і Вашых 

сяброў!

Жадаем моцы і гонару любіць і паважа-

ць Радзіму, шанаваць і захоўваць яе мову 

і культуру, ганарыцца гісторыяй – так, як 

завяшчалі нам нашыя продкі, якія шмат 

стагоддзяў змагаліся за Незалежнасць 

Беларусі.

Быць сапраўдным грамадзянінам, пат-

рыётам Бацькаўшчыны, паважаць традыцыі 

дэмакратыі, рабіць добрыя ўчынкі дзеля 

краіны і будучыні, – жыць так, каб нашыя на-

шчадкі, сыны, унукі і праўнукі маглі з высока 

паднятай галавой, гучна і годна сказаць – 

ЖЫВЕ ВОЛЬНАЯ БЕЛАРУСЬ! 

ЖЫВЕ ВОЛЬНАЯ МОЛАДЗЬ!

25 сакавіка на пляцоўцы каля Акадэміі Навук адбудзецца ўрачыстае святкаванне Дня Волі сумленнымі беларусамі. "ВАРТА" таксама возьме ўдзел у мерапрыемстве. Дзяўчаты падрыхтавалі ўлёткі з віншаваннямі і расцяжку для таго, каб павіншаваць свой народ з найгалоўнейшым святам  і нагадаць, што за сваю свабоду трэба змагацца да апошнянага. 

Святочныя паштоўкі ад "ВАРТЫ" гэтаксама накіраваліся да палітвязняў.